Azərbaycanca | English

Tarix: 06.03.2014

BrusselNATO-nun Baş Qərargahında (Brüssel) “Tərəfdaş ölkələrin NATO informasiya mərkəzləri“ mövzusunda 3-4 mart 2014-cü il tarixinde 2 günlük tədbir keçirilmişdir.
Gəncə Avro-Atlantik Məlumat Mərkəzinin İdarə heyətinin üzvü Nigar Ələsgərovanın (Fotoda 1-ci sıra, soldan 4-cü şəxs) da iştirak etdiyi bu tədbir NATO-nun İctimai diplomatiya bölməsinin təşkilatçılığı ilə həyata keçirilmişdir.
Tədbiri NATO-nun İctimai diplomatiya bölməsinin Qafqaz üzrə regional koordinatoru xanım Despina Afentouli açmiş və NATO-nun hazirki siyasi programı haqqinda məruzə ilə çıxış etmişdir.
Daha sonra NATO- nun səlahiyyətli nümayəndələri J.Skonieszka, M.Rühle, K.Grabar- Kitaroviç, G.Niehus, S.Mehringer, D.Riggio və İ.Fernandez tərəfindən təmsil etdikləri bölmələrin fəaliyyətlərinə dair informativ və analitik baxımdan maraqlı çıxışlar edilmiş və müzakirələr aparılmışdır.
Tədbir çerçivəsində xanım D.Afentouli, P.Lunak və B.Marankovanın iştirakı ilə “İctimai diplomatiya bölməsinin İnformasiya mərkəzləri ilə praktik əməkdaşlığı “ mövzusunda dəyirmi masa görüşü keçirilmiş və maraqlı müzakirələr aparılmışdır.
Tədbirdə, həmçinin Azərbaycanın NATO yanında nümayəndəliyinin əməkdaşları J.İbrahimova, G.Məmmədova, R.Həmidov və E.Abdullayev ilə təşkilatımızın nümayəndəsi N.Ələsgərovanın görüşü keçirilmiş və görüş zamanı NATO-Azərbaycan əməkdaşlığının 20 illiyi çərçivəsində Gəncə şəhərində keçiriləcək tədbirlər barəsində müzakirə aparılmışdır.
Tədbirdə iştirak eden tərəfdaş ölkələrin İnformasiya mərkəzlərinin nümayəndələri tərəfindən təmsil etdikləri təşkilatların fəaliyyətlərinə dair təqdimat materialları nümayiş etdirilmişdir. Eyni zamanda Gəncə Avro-Atlantik Məlumat Mərkəzinin 2013- cü ildə olan fəaliyyətinə dair nümayiş etdirilən təqdimat materialı iştirakçılar tərəfindən çox maraqla qarşılanmışdır (www.atlanticcenter.az , Hesabatlar bölməsi).
Tədbir tərəfdaş ölkələrdə fəaliyyət göstərən NATO İnformasiya mərkəzlərinin təcrübə mübadiləsi və tərəfdaşlıq perspektivləri baxımından gələcək fəaliyyətlərinin daha səmərəli və intensiv təşkili üçün çox əhəmiyyətli olmuşdur.

Salamlama
Hörmətli dostlar, Gəncə Avro-Atlantik Məlumat Mərkəzinin Web-saytında hamınızı salamlayıram. Əminəm ki, təşkilatımızın Web-saytında yerləşdirilən məlumatlar, Sizə Gəncə Avro-Atlantik Məlumat Mərkəzinin fəaliyyəti ilə yaxından tanış olmağa köməklik edəcəkdir. Ümidvaram ki, Web-saytla tanışlığınız ümumi inkişafa xidmət edən birgə əməkdaşlığımıza zəmin yaradacaqdır.
 
Mehman Xəlilov
Gəncə Avro Atlantik Məlumat Mərkəzi
İdarə heyətinin sədri
Təqvim
Февраль 2025
Пн Вт Ср Чт Пт Сб Вс
 12
3456789
10111213141516
17181920212223
2425262728  
Bu sayt Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə hazırlanmışdır.
Müəllif hüquqları qorunur 2013-2018 © Gəncə Avro-Atlantik Məlumat Mərkəzi.
Saytın hazırlanması Fərhad Hüseynov