Tarix: 01.11.2013
Gəncə Avro-Atlantik Məlumat Mərkəzi tərəfindən həyata keçirilən “Azərbaycanın Avro-Atlantik inteqrasiya proseslərinə ictimaiyyətin dəstəyinin gücləndirilməsi” layihəsi çərçivəsində 01 noyabr 2013-cü il tarixində : “NATO-Azərbaycan əlaqələri: Əməkdaşlığın hazırki vəziyyəti və perspektivləri ” mövzusunda Gəncə Dövlət Universitetində dəyirmi masa tədbiri keçirilmişdir.
Əlli yeddi nəfər tələbə, müəllim və digər ictimaiyyət nümayəndələrinin iştirakı ilə həyata keçirilən bu tədbirdə məruzəçi Rumıniyanın Azərbaycandakı səfiri, NATO-nun ölkəmizdəki əlaqələndiricisi Daniel Kristian Çobanu olmuşdur.
Dəyirmi masa tədbirinin iştirakçıları NATO-Azərbaycan əlaqələrinin bugünki dinamikası, Avro-Atlantik strukturlar, Avro-Atlantik inteqrasiya və NATO-Azərbaycan arasındakı geniş spektrli məsələlərə dair praktik əməkdaşlıq barəsində əhəmiyyətli məlumatlar əldə etdilər.
Azərbaycanın Avro-Atlantik inteqrasiya proseslərinə gənclərin dəstəyinin artırılması məqsədi daşıyan bu tədbir Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilmişdir.
Tədbirdə KİV nümayəndələrinin (Kəpəz TV) iştirakının təmin edilməsi tədbir haqqında daha geniş ictimaiyyətin məlumatlandırılmasına zəmin yaratmışdır.