Tarix: 08.11.2013
Gəncə Avro-Atlantik Məlumat Mərkəzi tərəfindən həyata keçirilən “Azərbaycanın Avro-Atlantik inteqrasiya proseslərinə ictimaiyyətin dəstəyinin gücləndirilməsi” layihəsi çərçivəsində 08 noyabr 2013-cü il tarixində : «Azərbaycan-NATO əməkdaşlığı: Fövqəladə hallara hazırlıq sahəsində milli imkanların artırılması» mövzusunda Gəncə Dövlət Universitetində dəyirmi masa tədbiri keçirilmişdir.
Əllidən çox tələbə, müəllim və digər ictimaiyyət nümayəndələrinin iştirakı ilə həyata keçirilən bu tədbirdə məruzəçi-ekspert Xarici İşlər Nazirliyinin hərbi-siyasi məsələlər idarəsinin əməkdaşı Nadir Saraclı olmuşdur.
Dəyirmi masa tədbirinin iştirakçıları Azərbaycan-NATO əməkdaşlığının ,xüsusilə ölkəmizin NATO-nun Mülki Fövqəladə Planlama məsələlərində və Fəlakətlərə Cavabın Əlaqələndirilməsi üzrə Avro-Atlantik Mərkəzin təlimlərində iştirakının, respuplikamızda fövqəladə hallara hazırlıq sahəsində milli imkanların artırılmasına müsbət təsiri barəsində əhəmiyyətli məlumatlar əldə etdilər. Azərbaycanın Avro-Atlantik inteqrasiya proseslərinə ictimaiyyətin dəstəyinin artırılması məqsədi daşıyan bu tədbir Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilmişdir.