Elan: GŞ-09 Tarix: 02.07.2018
Gəncə Avro-Atlantik Məlumat Mərkəzi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə icra olunan “Azərbaycanın qərb bölgəsində sağlamlıq imkanları məhdud olan uşaqların və gənclərin informasiya, təhsil və məşğulluq imkanlarının yaradılması ilə cəmiyyətə inteqrasiya imkanlarının gücləndirilməsi” layihəsi çərçivəsində “Karyera hədəfinin seçilməsi”, “İş axtarma bacarıqları”, “CV-nin düzgün yazılması”, “Müsahibə qabiliyyəti”, “Təqdimat və Effektiv Kommunikasiya”, “Təqdimatların hazırlanması”, “İdeyaların mübadiləsi”, “Evdən kənara çıxmadan işləmək və təhsil almaq imkanları”, “Sənədlərin və dərslərin paylaşılması”, “Online öyrənmə” mövzularında təşkil ediləcək seminarlarda
məruzəçi ekspert vəzifəsi üçün vakansiya elan edilir.
Yuxarıda qeyd olunan mövzularla bağlı tədbirlərdə aparıcılıq təcrübəsinə malik, ali təhsilli, elektron təqdimatların hazırlanmasında peşəkar bacarığı olan və bu sahələr üzrə müvafiq sertifikatlar əldə etmiş namizədlərdən mövzu yerində “Məruzəçi ekspert” qeyd edərək, CV-lərini 20 iyul 2018-ci il tarixinədək euroatlanticcenter@gmail.com elektron ünvanına göndərməkləri xahiş olunur. Yalnız seçilmiş namizədlər müsahibəyə dəvət ediləcəklər.
Gəncə Avro-Atlantik Məlumat Mərkəzinin
Satınalmalar üzrə komissiyası