Azərbaycanca | English

Picture1

Picture2

 

 

 

 

15356168032721325113_1000x669Gəncə Avro-Atlantik Məlumat Mərkəzi tərəfindən  Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilən “Azərbaycanın qərb bölgəsində sağlamlıq imkanları məhdud olan uşaqların və gənclərin informasiya, təhsil və məşğulluq imkanlarının yaradılması ilə cəmiyyətə inteqrasiya imkanlarının gücləndirilməsi” layihəsi uğurla başa çatmışdır.

Gəncə şəhərində, Göygöl və Samux rayonlarında yaşayan sağlamlıq imkanları məhddud olan uşaqların və gənclərin cəmiyyətə inteqrasiya imkanlarının daha da  gücləndirilməsi məqsədi daşıyan bu layihə çərçivəsində  Gəncə şəhəri və ətraf rayonlardan olan sağlamlıq imkanları məhdud olan uşaq və gənclər üçün MS Office kompyuter proqramları üzrə təlim kursları təşkil edilmiş və  Ailə vəhdətinin gücləndirilməsi məqsədilə sağlamlıq imkanları məhdud olan uşaqlara və onların valideynlərinə  psixoloji dəstək göstərilmişdir.

15356168035220053429_1000x669Eyni zamanda, xüsusi qayğıya ehtiyacı olan gənclərin əmək bazarına hazırlığının artırılması və özünəinam hissinin gücləndirilməsi, həmçinin bu gənclərin  informasiya və təhsil imkanlarının genişləndirilməsi məqsədilə xüsusi qayğıya ehtiyacı olan gənclərin iştirakı ilə “Karyera hədəfinin seçilməsi”,  “İş axtarma bacarıqları”, “CV-nin düzgün tərtibatı”,  “Müsahibə qabiliyyəti”, “Təqdimatların  hazırlanması”,  “İdeyaların mübadiləsi”,   “E-iştirakçilıq və Online təhsil”  mövzularında seminarlar təşkil edilmişdir.

Əlilliyi olan şəxslərə içtimai münasibətlərin daha  düzgün formalaşdırılması   məqsədilə, layihə çərçivəsində media və sosial media vasitəsilə 20-dən artıq  maarifləndirmə və məlumatlandırma xarakterli materiallar  yayımlanmışdır.

Layihə nəticəsində daha uğurlu nəticələrə nail olunması və layihənin dayanıqlığının təmin edilməsi məqsədi ilə  layihəyə əlavə dəyər gətirən fəaliyyətlər də həyata keçirilmişdir.

Bununla bağlı, layihədə iştirak etmək üçün təşkilatımıza müraciət edən və  sosial iş ixtisası üzrə ali təhsil alan 4 nəfər tələbə ilə Könüllülük müqaviləsi bağlandıqdan sonra onlar layihə psixoloqunun köməkçisi üzrə könüllü vəzifəsində layihəyə cəlb edilmişdirlər.

Eyni zamanda, layihədən birbaşa bəhrələnən xüsusi qayğıya ehtiyacı olan uşaqlardan və gənclərdən 3 nəfərinə  yüksək parametrli kompyuter avadanlıqları hədiyyə olunmuşdur (bu kompyuter avadanlıqlarınin alınması layihə büdcəsində nəzərdə tutulmamışdır).

15356168035751118654_1000x669Ümumiyyətlə, layihə çərçivəsində xüsusi qayğıya ehtiyacı olan uşaqların və gənclərin təhsil, informasiya və məşğulluq imkanlarının artırılması, eyni zamanda ailəyə psixoloji dəstək sahəsində həyata keçirilən fəaliyyətlər nəticəsində bu uşaqların və gənclərin intellektual və yaradıcı potensiallarının aşkara çıxarılması, özünəinam hissinin artırılması  və nəticə etibarilə  onların cəmiyyətə daha dolğun inteqrasiya olunmaları üçün imkanlar daha da genişləndirilmişdir.

Bununla bağlı, təşkilatımız tərəfindən həyata keçirilən bu layihəni dəstəklədiyi üçün təşkilatımızın idarə heyəti, layihədən  bəhrələnən uşaqlar, gənclər və onların ailələri adından Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına təşəkkür edirik.

Salamlama
Hörmətli dostlar, Gəncə Avro-Atlantik Məlumat Mərkəzinin Web-saytında hamınızı salamlayıram. Əminəm ki, təşkilatımızın Web-saytında yerləşdirilən məlumatlar, Sizə Gəncə Avro-Atlantik Məlumat Mərkəzinin fəaliyyəti ilə yaxından tanış olmağa köməklik edəcəkdir. Ümidvaram ki, Web-saytla tanışlığınız ümumi inkişafa xidmət edən birgə əməkdaşlığımıza zəmin yaradacaqdır.
 
Mehman Xəlilov
Gəncə Avro Atlantik Məlumat Mərkəzi
İdarə heyətinin sədri
Təqvim
Июль 2024
Пн Вт Ср Чт Пт Сб Вс
1234567
891011121314
15161718192021
22232425262728
293031  
Bu sayt Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə hazırlanmışdır.
Müəllif hüquqları qorunur 2013-2018 © Gəncə Avro-Atlantik Məlumat Mərkəzi.
Saytın hazırlanması Fərhad Hüseynov